Цагаан сарын морины уралдаан үзэх гэж мөн ч их догдлон хүлээдэгсэн. Сараар унах морьдоо хөнгөрөөгөөд л дэлийг нь засаж сойгоод шинэ дээл энэ тэр мөн ч их ажил болдогсон. Саяхан Хотгойдын унага блогын оруулсан уралдааны зарнаас санаа авч нэгэн уралдаан зар тавия Хэнтий аймгийн Жаргалтхаан суманд Цагаан сар шинийн 3-нд Азарга, Их нас, Соёолон гурван насны уралдаан болох юм байна. Уралдаан нь бооцоотой бөгөөд 15 мянган төгрөгөөр оролцох авах юм  байна. Мөн үүнд нэмэхэд Монгол Экүэстран компани ивээн тэтгэж оролцож байгаа юм байна.

Хөдөө нутгийн хөх салхиа санана би

Хөхрөн замхрах аргалын утаагаа санана би

Үндэс өвс адил багширах сүргээ санана би

Үүлэнд дүүлэх мэт давхих хүлгээ санана би

Уяан дээрх марзайгаа хий сонсож сууна би

Удам дамжин яригдах удам угшлыг бичин сууна би

Бачимдахдаа машиндаа гийнгоолж давхина би

Байж ядахдаа интэрнэтээр морьдоо үзэж сууна би

Хөөрхий гадаад байгаа морьтон миний хөөрхийлөлтэй байдал. Гадны оронд өглөөн нартай уралдан ажиллаж өдөр бүрийн төлөөс мөнгөн дунд эргэлдсээр энэ хорвоо байдаг Ганцхан Диваажиндаа очихын их хүслэнд автан сууна даа.

Нутгаас хаяа нэг ирэх морьдынхоо зургуудыг үзэж санаа түр амс хийнэ. Айрагаа гэж андууран Beer ууж согтжих юмаа би, Морио гэж андууран Car-aa хурдлуулж торгуулах юмаа би, Хөөргөө гэж андуураад Drug хэрэглэж хөглөх шахах юмаа би. Айдаа андууд минь ардаа тэмүүлэх ийм сайхан Эх орон, Адуун сүрэгтэй байхыг л жинхэнэ их  хувь заяа гэдэг байхдаа.

Хурд тойрох Агшин, Түрүү Айраг, Монгол Эрийн хийморь, Морьтон та хэддээ их баярладаг шүү.

Эгэл жирийн амьдрах юмсаан, Зүгээр нэг зүлгэн дээр гэрээ бариад!!!

Унших »

Манай залуус морьдоо уяад байна уу? Би Galway- гээр явж байгаад ирлээ. Kilrush гэдэг газар шоу боллоо. Харайлтын тэмцээн болж өнгөрлөө. Зуны өдөр болоод сайхан байлаа. Наранд жоохон борлоод авлаа бас. Харин нутгийн олон сайхан  гүүний үзэсгэлэн болж нүд баясгав. Унших »

Би бол Монгол хүн

Тэр

Ээжийгээ бурхан шигээ дээдэлдэг

Эх нутгаа өөрөөсөө илүү үнэлдэг

Адуугаан харж сэтгэл сэргэдэг

Андаа хүндэтгэж нөхөрлөдөг нэгэн Монгол

Мөн

Харийн нутгаас нутгаан санан зүүдэлдэг

Хөх бууцныхаа үнэрийг үгүйлэн салхи үнэртдэг нэгэн Монгол

Үүр цайхтай уралдан сэрж адуундаа мордох гэж дутуу унтдаг

Эхийнхээ дор зүүдлэн унтах унагыг өхөөрдөн зогсдог

Уяа морьдын хазаарын  даахгүй алхах хүүгээ өрөвдөн  огшдог

Өвөг эцгийн адуун сүргийг өргөж яваа нэгэн Монгол Унших »

Монгол хурдан морины үнэ өсөж байгаа нь сайн хэрэг юм. Саяхан нэг хүнэээс улсад айрагдсан шүдлэн 80,000 долларын үнэ хүрсэн гэж сонсоод итгэж ядаж билээ. гэтэл саяхан news.mn-д ийм нэгэн мэдээ гарчээ.   Сүхбаатараас нэг бизнесмэн залуу 20 сая төгрөг төлөөд хурдан морь худалдан авч байхад дэргэд нь байсан тухайгаа МҮОНТ-ийн “Чандмань” студын сэтгүүлч Л.Цагаандалай “Өдрийн сонин”-д өгсөн ярилцлагадаа дурджээ. Түүнийг хурдан морь тайлбарладаг, моринд нугасгүй гэдгийг хэлэх хэрэггүй биз. Л.Цагаандалайн нэмж хэлснээр, Тагарваагийн бор морь 108 сая төгрөгөөр зарагдсан гэнэ. Тус аймгийн Асгат суманд зөвхөн нэг жилийн дотор 500 орчим сая төгрөг хурдан морины наймаанаас оржээ. Одоо хэнтийн Галшарын адуу л нууцлагхан үлдэж байна даа.

Хан хэнтий аймгийн Хардэл жанжин бэйс Пүрэвжавийн хошуу гээд ирэхээр өөрийн эрхгүй хурдан морьд бодогдож, яригддаг байсан цаг саяхан. Улсын баяр наадмын түрүү айргийг жил бүр авч байсан. Одоо харин Сүхбаатар эсвэл эрлийз цусны адуу л сонсогдох болжээ. Галшар адуу одоогийн хурдангуудын удамд л дурсагдах болжээ. Яагаад ийм болов оо? гэж асуух бүр учир хужрыг нь тунгаагаад олохгүй юм. Миний бодлоор нутгийн хурд хэвээрээ байгаа харин орчин үеийн уралдааны арга барил болон байгалийн цаг уурын өөрчлөлтэй холбоотой байх. хавар орой ногоо гарч адуу тарга хожуу авч байгаа мөн тэжээлийн уяаны морьд их уралдах болсон нь Галшар нутгийн уяачид олон том наадмуудад очиж чадахгүйд хүрсэн болов уу. Одоо бол морь уралдаж амжилт гаргая л гэвэл мөнгө хэрэг болох болсон цаг юмаа. Ядуу хүн ямар ч сайн морьтой байгаад хэрэггүй болжээ. Тэжээлтэй адуу багаар бодоход л бариандаа эрч нь сулрахгүй орж ирж байгаа харагдах юм. Мөн илүү шингэн тариа судсаар нь хийж уяах арга гарчээ. За даа одоо ч цагаан өвс, цоорхой гуталтай бид өвөл хавар морио уяад их том бодохоо больсон нь дээр юм байна даа. Уул нь улсын наадамд нэг хүч сорих юмсан гэж боддог байлаа. Нэг хоёр адуу давхиад л байна гэхдээ нөгөөх сүүлгүй, сүүлтэй чононуудаас нь хамгаалж хайрлаж байгаа нь энэ гээд зарахад хүрнэ. Зарах гэдэг санаагаар ажил биш үнэ тохирч өгөхөөс гадна тэр хурдан адуу авна гэж явах хүн одоо ч өдрийн од шиг цөөхөн болжээ. За залуус минь надад зөвөлгөө өгөөрэй.

Монгол хязаалан, шүдлэнгийн уралдаанаас

Унших »

Зуны баагим халуун өдрийн ид үдийн наран гийж алсын зэрэглээнд  уяа морьд давхих мэт харагдана. Наянтай өвгөн унаач хүүхдийн эмээлийн олом засан гэрийн хаяанд сууна. Гэрийн сөхөөтэй хаяагаар өглөөний уяаны ажилдаа ядарч унтах хүүхдүүд харагдана. Өдрийн бүгчим  халуунд ноход хүртэл гэрийн сүүдэр булаацалдан багширна. Энд тэнд царцаа голио дуугарахаас өөр үл аниргүй эвдэх юмгүй зуны нэгэн үдээр алсын зэрэглээнд холоос нэгэн морьтон зэргэлээнд өндөрсөж тэнгэр тулсан урт харагдан айсуй. Холын айлчныг мориноос нь буулгах шахам хоргоодог ноход сүүдэр унтаад таг чиг зочин ойртон ойртсоор уяан дээр буув. Саахалтын өвгөн Сундуй гуай Наянтай өвгөнтэй морьдоо оройн сэррүн морьдоо цуг тарлахаар зөвшөлцөхөөр ирсэн нь энэ ажээ. Маргааш бага сунгаан болох гэж байгаа учир өнөө богино давхилж хийж морьдоо нэг ажил хийнэ. Хүүхэд бүрийн тэсэн ядан хүлээх өдөр ирж байна. Сундуй өвгөний морьд сумын наадамд хэд хэдэн айраг түрүү авсан сайн морьд учир Наянтайн хувьд морьдоо нийлүүлж хөдөлгөх тун дуртай байв. Энэ жил адуу онд сайн орж хүч сайн байсан болохоор зургаан нас уяж байгаа билээ. Их гурван нас  болох хүрэн азарга, хээр их нас, бор соёолон маань битүү морьд бөгөөд өнөө орой цуг хөдөлгөх агаад урт уяан нилээд онгойсон болов уу гэж бодож сууна.

Үргэлжлэл бий……………..